നമ്മില് കിനാവിന്നിനിപ്പും
പുലര്കാലമഞ്ഞിന് തണുപ്പും നിറയ്ക്കുന്ന മൌനം
മനസ്സില് കനത്തു.
വെയില് കത്തിയാളുന്നൊരിടവഴിയി-
ലൊരുമാത്ര നില്ക്കാതെ-
യൊരുവാക്കു മിണ്ടതെ,
കുളിര്തെന്നല്
മെല്ലെത്തലോടിക്കടന്നുപോയ്
ഇനിക്കാത്തു നില്ക്കേണ്ട.
സ്വാര്ത്ഥമോഹത്തിന് ഗുഹയ്ക്കുള്ളി-
ലാസുരദര്പ്പത്തൊടേല്ക്കുന്നൊ-
രാത്മബന്ധം തോറ്റു.
ചക്രവാളത്തിലും ചെന്നിറം ചേര്ന്നു,
സാഗരം ക്രുദ്ധമായ്,
ഗഗനത്തി,ലിരുള്മേഘ,മിടിവെട്ടി.
വന്പാറ നീക്കി, ഗ്ഗുഹാമുഖം മൂടി-
ത്തിരിച്ചുപൊയ്ക്കൊള്ളുക
ദുഃഖസ്മൃതികളും
പ്രേതദാഹങ്ങളും
ചിതകെട്ടടങ്ങാതെ പൊങ്ങുന്ന ധൂമവും
തേങ്ങലും മാത്ര,മെനിക്കു തന്നേക്കുക.
ആനുകാലികം 1
3 comments:
ദുഃഖസ്മൃതികളും
പ്രേതദാഹങ്ങളും
ചിതകെട്ടടങ്ങാതെ പൊങ്ങുന്ന ധൂമവും
തേങ്ങലും മാത്ര,മെനിക്കു തന്നേക്കുക.
-വരികള് ഇഷ്ടമായി.
Wery good . keep it up,
വരികള് ഇഷ്ടമായി.
Post a Comment